去左驗身. 個醫生一見到我個肚, 佢話我一d都唔似生過bb. 但係我話我覺得個肚皮好鬆喎. 醫生話當然啦, 之前有咁大個bb晌入面.
醫生又同我傾計, 佢話佢個女2歲. 有一日佢放工返屋企, 佢個女攞拖鞋俾佢呀... 嘩... 唔知栢妍幾時會識呢?
無燒喇. 不過仲有好多鼻水同咳.
栢妍病成咁, 我又點放心返工呀... 所以請左一日假.
早餐淨係飲左2.5oz, 栢妍好辛苦呀. 飲奶都無力呀. 我要用針筒餵佢飲呀. 之後就晌我懷中瞓左. 睇見佢咁辛苦, 真係好想病個個係我呀. 佢咁細個bb... 又唔識表達... 所以唔舒服就淨係識得喊...
工人姐姐煲左d粥水, 希望栢妍肯飲d啦. 唔食野唔得架. 好左, 栢妍都肯飲. 見到佢肯食返d野, 都放心d.
之後再食多次藥. 瞓左好耐. 起身之後個人仔好番好多, 退左燒. 見到自己對新鞋仔仲要著, 要學行路忝. 推住架學行車周屋行.
婆婆黎睇栢妍. 栢妍一見到婆婆, 即刻大笑~~~~~ 無事喇. bb好番喇.
不過都仲係唔係好想飲奶. 可能喉嚨痛啦.
食左成日藥都無好過, 仲好始嚴重左忝呀. 又唔飲奶又唔食飯. 擔心死人喇.
唔得喇. 都係睇多次醫生喇. 今次去MTR station個個. 嘩. 人山人海. 登記左之後仲要等成個鐘頭.
終於見到醫生喇. 醫生話, 栢妍唔係傷風呀. 係重感冒呀. 唔係冷親, 而係有病毒感染呀... 醫生仲話, 如果唔好, 無退燒, 就要打針喇...
有4日藥. 4種藥水...
全日淨係飲左2.5oz奶咋... 好tired, 但係又瞓唔到. 因為一咳就醒. 一醒就喊...
今朝起身發見栢妍有幾聲咳. 唔想佢"au", 所以帶左佢去睇樓下個醫生. 醫生話唔嚴重, 只係啱啱起, 食d藥, 飲多d水, 休息下就會好番.
食左藥, 見栢妍都幾精神, 我就同爸爸去左行ikea, 無買到野. 最後係買左對Dr Kong鞋仔俾栢妍.
返到屋企, 栢妍開始有鼻水... 到左夜晚, 仲有d燒忝. 飲完奶仲嘔忝. 連d粥仔都嘔埋出黎. 嚇死我呀.
跟住成晚喊. 瞓唔到覺... 栢妍應該好唔舒服呀... 慘慘... 不停喊... 最後我抱住佢瞓左...
